Черногориядаги Рибар телеграм-канали асосчиси Михаил Звинчук ва унинг жамоаси 9-октябр тонгида Рисан шаҳрида қўлга олинди. Улар билан бирга рафиқаси ҳамда каналнинг уч нафар ходими ҳам ушланган. Маҳаллий Вијести нашрининг хабарига кўра, уларнинг ёнида мураккаб рақамли жиҳозлар, дронлар ва электрон қурилмалар бўлган. Черногория махсус хизматлари Звинчук ва унинг жамоасини бир неча кун давомида кузатиб борган. Ушбу операция Рибар каналлари тармоғининг гибрид фаолиятини тўхтатишга қаратилган. Звинчукка қандайдир айблов қўйилгани ҳозирча маълум эмас. Ҳуқуқ-тартибот органлари бу ҳолат юзасидан расмий изоҳ бермаган. Черногория бош вазири Милойко Спайч ижтимоий тармоқда ҳукумат хавфсизлик хизматлари ваколатида қолиши керак бўлган маълумотларни эълон қилиш ниятида эмаслигини билдирди. У, шунингдек, ‘Рибар’ ахборот тармоғи раҳбари қўлга олинганидан кейин давлат институтларининг ўз вазифаларини бажараётганини таъкидлади. Рибардаги жамоа аъзолари қўлга олингани фактни тасдиқлади. Телеграм-каналда жойлаштирилган постда бу шахсларнинг Черногорияда бўлиши қонунан эканлиги таъкидланди. Уларнинг расмий сўров асосида Сетинский монастирида тасвирга олиш ишлари режалаштирилганди. Қўлга олинганлар томонидан маҳаллий қонунчиликни бузиш ҳолатлари бўлмагани қайд этилиб, тез орада озод этилишига умид билдирилди. Звинчук Черногорияга ошкора тарзда ташриф буюрган бўлиб, бу ҳақда RuTube каналидa жойлаштирган видеосида маълум қилган. Instagramдаги саҳифасида эса Европа Иттифоқи, Буюк Британия ва Черногория ҳукуматининг санкциялари остида бўлса-да, бу мамлакатга кирганидан мақтаниб ёзган. Россия ҳукуматининг ҳибсга олинганларга дипломатик ёрдам кўрсатиш ваъдасини берди. Россия президенти матбуот котиби Дмитрий Песков, дипломатлар ҳибсга олиш сабабларини аниқлаб, ҳар бир фуқаронинг ҳуқуқларини ҳимоя қилиш билан шуғулланаётганини маълум қилди. Россия Хавфсизлик кенгаши раҳбари ўринбосари Дмитрий Медведев эса россияликлар Европа мамлакатларида ‘бекорга изгиб юрганини’ айтган, европаликлар ва хорижликларни ‘айирбошлаш фонди’ни шакллантиришга чақирган.
Ушбу мақолани лотин алифбосида ҳам ўқишингиз мумкин.
