Харидорлар маркетплейсда ўзларига керакли маҳсулотларни излаётганда, экранда кўрган биринчи товарлар ҳақиқатан ҳам энг яхши таклифларми? Ушбу савол рақамли савдонинг тез ривожланиши билан янада долзарб бўлиб бормоқда. Маҳсулотлар қандай тартибда кўрсатилиши харидорларнинг танловларига кучли таъсир кўрсатади. Масалан, кўплаб харидорлар ‘Топ тавсия’, ‘Энг кўп сотилган’ каби ёрлиқлар билан ажралиб турадиган маҳсулотларга эътибор берадилар. Бироқ, бу маҳсулотлар ростдан ҳам энг арзон ёки сифатли бўлиши шарт эмас. 2024-йилда B2C электрон тиҷорат ҳажми 4,12 триллион долларга етиши кутилмоқда, бу эса онлайн харидорлар сонининг 2,5 миллиардга етиши билан бирга келади. Ўзбекистонда ҳам электрон савдо ва интернетдан фойдаланиш кенгайиб бораётганлиги сабабли, харидорлар учун маҳсулотларнинг кўриниши ва тартиби муҳим аҳамиятга эга бўлмоқда. Маркетплейслар эса нафақат савдо майдони, балки бир вақтнинг ўзида майдон эгаси, қоидаларни белгилавчи ҳоким ва фойдаланувчилар учун манфаатдор ўйинчи сифатида фаолият юритади. Бу эса харидорлар ва сотувчилар ўртасида рақобатни кучайтиради ва платформанинг ўз манфаатларини истеъмолчилар манфаатлари билан тўқнашувига олиб келади.
Ушбу мақолани лотин алифбосида ҳам ўқишингиз мумкин.
