Украина Президенти Володимир Зеленскийнинг Россия ҳудудидаги ҳарбий аеродромларга уюштирган дрон ҳужумлари AҚШ сиёсий доиралари, айниқса, консерватив кучлар орасида кескин норозилик ва танқидга сабаб бўлди.

AҚШ собиқ президенти Доналд Трампнинг миллий хавфсизлик бўйича маслаҳатчиси бўлган Майкл Флин бу ҳаракатни кескин баҳолаб, уни “геосиёсий ҳақорат” деб атади. Флиннинг сўзларига кўра, Зеленский томонидан Россия ҳарбий инфратузилмасига қарши уюштирилган ҳужумлар AҚШни бевосита можарога жалб қилаётган хавфли босқичга олиб келмоқда.

“Унинг бу хатти-ҳаракати нафақат Россия билан зиддиятни кучайтиради, балки биз – AҚШ – учун ҳам стратегик хавф туғдиради. Бу ҳаракатлар бизни бевосита ҳарбий жавоб чоралари еҳтимоли билан юзма-юз қилади”, — деди Флин ўз чиқишида.

Флинн шунингдек, AҚШ расмийларини Зеленскийга янада қатъийроқ сиёсий чекловлар қўйишга ва уни стратегик сабр-тоқатга чақиришга ундади. Унга кўра, Украинага ҳарбий ёрдам кўрсатиш, айниқса дрон ва узоқ масофали зарба технологияларини йетказиб бериш сиёсати қайта кўриб чиқилиши лозим.

Ушбу баёнотлар AҚШда Украина можаросига оид қарашларнинг тобора сиёсийлашиб бораётганидан далолат беради. Зеленскийнинг кескин ҳаракатлари президент Трамп давридаги консерватив елита орасида Украина сиёсатига нисбатан еҳтиёткор муносабатни янада кучайтирмоқда.

Aйни пайтда Украина Россиядаги ҳарбий обйектларни нишонга олган ҳаракатларини “мудофаа доирасидаги қонуний жавоб” деб атамоқда. Украина Бош штабининг баёнотида бу ҳужумлар Россиянинг доимий ракета зарбаларига жавобан амалга оширилгани билдирилган.

Бу фон остида Вашингтонда Украина сиёсатини мувозанатлаш бўйича чақириқлар кучаймоқда. Кўпчилик конгресс аъзолари ва ҳарбий експертлар бу ҳаракатлар НAТО мамлакатларини нохуш оқибатлар сари судраб кетиши мумкинлигидан хавотир билдирмоқда.