«Андижон» Тошкентда тарихий ғалабага эришди: «шерлар» жамоаси мавсум стартидаги беш ўйиндан тўрттасида мағлубиятга учради ва турнир жадвалининг иккинчи қисмида қолмоқда.
11–13 апрел кунлари футбол бўйича Ўзбекистон чемпионатининг 5–тур учрашувлари бўлиб ўтди.
Машъал – Нефтчи 1:4
Голлар: Абдураимов 45+3 – Тошмирзаев 6, Искандеров 43, Жокич 58, Ғофуров 90.
Машъал – Тўхтабоев (Ҳамроев, 46), Салифу, Абдуалимов, Абдураимов, Ғанихонов (Баратов, 62), Алиқулов, Муродов (Нўъмонов, 46), Маматхўжаев, Исмоилов, Норбеков (Муртозоев, 54), Файзиев.
Нефтчи – Эргашев, Йўлдошев, Исмоилов, Искандеров, Болтабоев (Алибоев, 90+2), Ғофуров, Убайдуллаев, Жокич, Марушич (Табатадзе, 66), Сайфиев, Тошмирзаев.
Огоҳлантиришлар: Маматхўжаев 45+2, Салифу 51, Болтабоев 68.
Суперлиганинг 5-туридан ўрин олган дастлабки ўйинда «Нефтчи» Олмалиқда «Машъал» билан куч синашди.
Таркиб ва тажриба жиҳатдан устунроқ бўлган фарғоналиклар 4:1 ҳисобидаги йирик ғалабасини нишонлади. Учрашувнинг 43-дақиқасида Жамшид Искандеров бурчак жарима зарбасини тўғридан тўғри голга айлантирди.
Мағлубиятсиз сериясини давом эттирган (2 ғалаба ва 3 дуранг) «Нефтчи» 9 очко билан 4-ўринга кўтарилди. «Машъал» 3 очко билан 15-ўринда бормоқда.
